Risale:5. Mektup (Kur'an Hattı): Revizyonlar arasındaki fark
Değişiklik özeti yok |
Değişiklik özeti yok Etiket: Elle geri alma |
||
| (Aynı kullanıcının aradaki diğer 2 değişikliği gösterilmiyor) | |||
| 2. satır: | 2. satır: | ||
''Önceki Risale: [[Risale:4. Mektup (Kur'an Hattı)|Dördüncü Mektup]] ←[[Risale:Mektubat (Kur'an Hattı)|Mektubat]] → [[Risale:6. Mektup (Kur'an Hattı)|Altıncı Mektup]]: Sonraki Risale'' | ''Önceki Risale: [[Risale:4. Mektup (Kur'an Hattı)|Dördüncü Mektup]] ←[[Risale:Mektubat (Kur'an Hattı)|Mektubat]] → [[Risale:6. Mektup (Kur'an Hattı)|Altıncı Mektup]]: Sonraki Risale'' | ||
''Bu risale hakkında bilgi edinmek için [[ Mektup]] sayfasına ve bu risaleyi Latin harfleri ile okumak için [[Risale:. Mektup| Mektup okuma sayfasına]] gidin'' | ''Bu risale hakkında bilgi edinmek için [[Beşinci Mektup]] sayfasına ve bu risaleyi Latin harfleri ile okumak için [[Risale:5. Mektup|Beşinci Mektup okuma sayfasına]] gidin'' | ||
={{Arabi|بشنجى مكتوب}}= | ={{Arabi|بشنجى مكتوب}}= | ||
09.56, 18 Ocak 2026 itibarı ile sayfanın şu anki hâli
Önceki Risale: Dördüncü Mektup ←Mektubat → Altıncı Mektup: Sonraki Risale
Bu risale hakkında bilgi edinmek için Beşinci Mektup sayfasına ve bu risaleyi Latin harfleri ile okumak için Beşinci Mektup okuma sayfasına gidin
بشنجى مكتوب
وَ اِنْ مِنْ شَىْءٍ اِلَّا يُسَبِّحُ بِحَمْدِهٖ
سلسلهِٔ نقشينڭ قهرمانى و بر گونشى اولان إمامِ ربّانى ـ(رضـ) مكتوباتنده ديمش كه: "حقائقِ ايمانيهدن بر مسئلهنڭ إنكشافنى، بيڭلر أذواق و مواجد و كراماته ترجيح ايدرم."
هم ديمش كه: "بتون طريقلرڭ نقطهِٔ منتهاسى، حقائقِ ايمانيهنڭ وضوح و إنكشافيدر."
هم ديمش كه: "ولايت اوچ قسمدر: برى ولايتِ صُغرا كه، مشهور ولايتدر. برى ولايتِ وسطىٰ، برى ولايتِ كبرادر. ولايتِ كبرا ايسه؛ وراثتِ نبوّت يوليله، تصوّف برزخنه گيرمهدن، طوغريدن طوغرىيه حقيقته يول آچمقدر."
هم ديمش كه: "طريقِ نقشيده ايكى قناد ايله سلوك ايديلير." يعنى: حقائقِ ايمانيهيه صاغلام بر صورتده إعتقاد ايتمك و فرائضِ دينيهيى إمتثال ايتمكله اولور. بو ايكى جناحده قصور وارسه، او يولده گيدلمز.
اويله ايسه طريقِ نقشينڭ اوچ پردهسى وار:
بريسى و أڭ برنجيسى و أڭ بيوگى: طوغريدن طوغرىيه حقائقِ ايمانيهيه خدمتدر كه، إمامِ ربّانى ده ـ(رضـ) آخر زماننده اوڭا سلوك ايتمشدر.
ايكنجيسى: فرائضِ دينيهيه و سنّتِ سنيهيه طريقت پردهسى آلتنده خدمتدر.
اوچنجيسى: تصوّف يوليله أمراضِ قلبيهنڭ إزالهسنه چاليشمق، قلب آياغيله سلوك ايتمكدر. برنجيسى فرض، ايكنجيسى واجب، بو اوچنجيسى ايسه سنّت حكمندهدر.
مادام حقيقت بويلهدر؛ بن تخمين ايدييورم كه: أگر شيخ عبد القادرِ گيلانى ـ(رضـ) و شاهِ نقشبند ـ(رضـ) و إمامِ ربّانى ـ(رضـ) گبى ذاتلر بو زمانده اولسه ايديلر، بتون همّتلرينى، حقائقِ ايمانيهنڭ و عقائدِ إسلاميهنڭ تقويهسنه صرف ايدهجكلردى. چونكه سعادتِ أبديهنڭ مدارى اونلردر. اونلرده قصور ايديلسه، شقاوتِ أبديهيه سببيت ويرر. ايمانسز جنّته گيدهمز، فقط تصوّفسز جنّته گيدن پك چوقدر. أكمكسز إنسان ياشايهمز، فقط ميوهسز ياشايهبيلير. تصوّف ميوهدر، حقائقِ إسلاميه غدادر.
أسكيدن قرق گوندن طوت، تا قرق سنهيه قدر بر سير و سلوك ايله بعض حقائقِ ايمانيهيه آنجق چيقيلهبيليردى. شيمدى ايسه جنابِ حقّڭ رحمتيله، قرق دقيقهده او حقائقه چيقيلاجق بر يول بولونسه؛ او يوله قارشى لاقيد قالمق، ألبته كارِ عقل دگل...
ايشته اوتوز اوچ عدد سوزلر، بويله قرآنى بر يولى آچديغنى، دقّتله اوقويانلر حكم ايدييورلر. مادام حقيقت بودر؛ أسرارِ قرآنيهيه عائد يازيلان سوزلر، شو زمانڭ يارهلرينه أڭ مناسب بر علاج، بر مرهم و ظلماتڭ تهاجماتنه معروض هيئتِ إسلاميهيه أڭ نافع بر نور و ضلالت واديلرنده حيرته دوشنلر ايچون أڭ طوغرى بر رهبر اولديغى إعتقادندهيم.
بيليرسڭز كه: أگر ضلالت جهالتدن گلسه إزالهسى قولايدر. فقط ضلالت، فندن و علمدن گلسه، إزالهسى مشكلدر. أسكى زمانده ايكنجى قسم، بيڭده بر بولونويوردى. بولونانلردن آنجق بيڭدن برى إرشاد ايله يوله گلهبيليردى. چونكه اويلهلر كنديلرينى بگهنييورلر؛ هم بيلمييورلر، هم كنديلرينى بيلير ظن ايدييورلر. جنابِ حق شو زمانده، إعجازِ قرآنڭ معنوى لمعاتندن اولان معلوم سوزلرى، شو ضلالت زندقهسنه بر ترياق خاصيتنى ويرمش تصوّرندهيم.
سعيد النورسى
(↑Sayfa Başı↑)
Önceki Risale: Dördüncü Mektup ←Mektubat → Altıncı Mektup: Sonraki Risale